歲月神偷 ... 【我家喵喵好樣衰】

Hi，大家好，我喵喵大公主又響哩樹好開心咁同大家見面喇~~

不過我家主子清風大俠成日話我好樣衰喎！我喵喵不嬲都俾人讚靚女嫁嘛，
希望大家來睇真d，評吓理，鬧衰果個清風大俠，佢正衰公嚟傢~！



雖然同明星毛豆相比之下，我喵喵雖然細細隻嬌滴滴，不過我都算係美女胚子丫~

 

其實我響哩個土製公仔箱飾演做主角睇落都幾上鏡丫

除左睇電視，食野係我最愛！清風對我都好好嫁，經常提供我最愛的食物，例如貓糧、低鹽芝士，鮮奶，麵包、雞蛋、粟米等等…

噓…靜雞雞話俾大家知，清風家裡的一切小生物，除左清風最驚既甴曱之外，我喵喵都捉來食嫁，例如大小蜜蜂、四腳蛇、飛蚊、甚至螞蟻等等…好好味道嫁

食飽飽就最好覺覺豬嚕！大滿足哦！

本公主瞓個夠本，打個呵欠，伸個懶腰，一個字來形容~~''爽''

太陽伯伯關照下，窗外美如畫，窗內日光浴，身心好休閒好自在哦~~個肚仔咕咕聲添，又開始肚餓嚕....

咦？清風大哥行開左，留低左....

哇！好正哇！

今次終於見到有情至愛嚕！仲開心過執到無價寶喲~

嗯…諗落都係唔係咁好既，清風大俠知道左咪嬲死佢囉…
唔知道仲會飲左我D口水尾，咁大俠咪以後聽晒我話囉…嘻嘻嘻~~~

哎！心動不如行動！一于嬲死佢啦！一于豁出去啦！

呱呱！！巧飲巧飲呀~~啜吓啜吓咁，好似同honey kiss咁，
sweet sweet哦~~

聽講哩杯叫做鴛鴦戲水，怪不得清風大哥祇羨鴛鴦不羨仙！

真係快活過神仙哦~~

弊傢伙！俾大俠發現左添！唯求自保，一於先下手為強，
即時變成好似一隻癲雞乸咁，發曬爛渣咁啦

清風大俠仲話我老羞成怒，好樣衰好奸狡啊！
事後睇番當時既樣，我真係好樣衰呀，成隻''大奸狗''咁喎！娃哈哈~~~

睥咩喎？未見過靚女發爛渣咩？



其實睇真d我都唔係好樣衰姐，下篇我仲惡死呀！

謝謝粉絲們繼續收看，看我如何收服清風哩個衰公啦…